नेकपा (एकीकृत समाजवादी) गोदावरी नगर कमिटी को प्रथम नगर भेला सम्पन्न भएको छ ।बिहीबार अत्तरिया मा सम्पन्न नगर भेला बाट नेकपा (एस) नगर कमिटीले पुर्णता पाएको हो । भेलाले टेक बहादुर बिकको अध्यक्षता ७५ सदस्यीय नगरकमिटी चयन गरेको छ । यस्तै कमिटी को उपाध्यक्ष मा वीर बहादुर पाल , सचिबमा लक्ष्मण बोगटी र उपसचिव मा रामपती चौधरी चयन भएका छन् ।
भेलाको प्रमुख आतिथ्यता नेकपा (एस) जिल्ला अध्यक्ष दिर्घ सोडारी ले गर्नु भएको थियो भने कार्यक्रममा राज्यमन्त्री चुनुकुमारी चौधरी , गोदावरी नगरपालिका का उपप्रमुख रत्ना कडायत , गोदावरी ११ का वडा अध्यक्ष शिव बिक , ५ का वडा अध्यक्ष कर्ण बोहरा लगाएत नेकपा (एस) समर्थक नेता तथा कार्यकर्ताको सहभागीता रहेको थियो ।
प्रमुख अतिथी सोडारीले कार्यक्रम लाइ सम्बोधन गर्दै ओलीलाई टक्कर दिने भनिएका भिम रावल अहिले ओली सँग अपमान सहेर बसेको बताएका छन् । साथै भिमरावल र लेखराज भट्टलाई आउँदो निर्बाचनमा देखाईदिने चेतावनी समेत दिएका छन् ।
प्रतिकृया दिनुहोस