नेपाल प्रहरीका पूर्व प्रहरी महानिरीक्षक सर्वेन्द्र खनाल नेकपा एमालेमा प्रवेश गरेका छन् । उनलाई एमालेको पार्टी कार्यालय च्यासलमा अध्यक्ष केपी शर्मा ओलीले खादा लगाएर पार्टीमा स्वागत गरेका हुन् ।
कार्यक्रममा अध्यक्ष ओलीसँगै महासचिव शंकर पोखरेल, उपमहासचिव विष्णु रिमाललगायतका नेताहरूको उपस्थिति थियो ।
यसअघि खनालले ओलीलाई बुधबार बालकोटमा भेटेका थिए । भेटमा खनाललाई अध्यक्ष ओलीले पार्टीमा महत्वपूर्ण जिम्मेवारी दिनेसमेत बताएका थिए। पर्सा, बारा तथा काठमाडौंमध्ये कुनै एक ठाउँबाट खनाललाई उम्मेदवार बनाउन तयारी भइरहेको बताइन्छ ।
प्रतिकृया दिनुहोस