नेकपा माओवादी केन्द्रले पाउने मन्त्रालयमध्ये एउटा परिवर्तन भएको छ । शुक्रबार बेलुका मन्त्रीहरुको शपथ ग्रहण अघि एउटा मन्त्रालय परिवर्तन भएको हो ।
यसअघि शिक्षा, भूमि व्यवस्था तथा सहकारी र खानेपानी मन्त्रालय पाएको माओवादीको भागमा परेको बताइएको थियो । तर खानेपानीको ठाउँमा युवा तथा खेलकूद मन्त्रालय माओवादीलाई दिने सहमति बनेको छ ।
प्रधानमन्त्री शेरबहादुर देउवाले खानेपानी आफैले राख्ने प्रस्ताव गरेपछि युवा तथा खेलकुद मन्त्रालय माओवादी केन्द्रको भागमा परेको हो । स्रोतका अनुसार माओवादी केन्द्रबाट थप हुने मन्त्रीमा शिक्षा मन्त्रालयको जिम्मेवारी देवेन्द्र पौडेलले पाउने छन् । यस्तै भूमि व्यवस्था तथा सहकारी मन्त्रालयको जिम्मेवारी महेश्वरजंग गहतराजले पाउने सम्भावना छ ।
युवा तथा खेलकूदमा शशि श्रेष्ठले पाउने लगभग समझदारी बनेको छ । तर, श्रेष्ठले भूमि मन्त्रालय लिन चाहेमा गहतराजको भागमा युवा मन्त्रालय पर्नेछ ।
प्रतिकृया दिनुहोस