धनगढीः कञ्चनपुरको बेलडाँडी गाउँपालिका–३ बैबाहाँका ३१ बर्षीय गणेश चौधरीको उपचारमा आर्थिक अभाव सृजना भएको छ । बिगत दुई महिनादेखि धनगढी स्थित मायामेट्रो अस्पतालमा उपचाररत चौधरी गत चैत २३ गते कामबाट घर फर्किए लगत्तै बेहोस भई अहिले धनगढी स्थित मायामेट्रो अस्पतालमा उपचाररत रहेका छन । मस्तिष्कघात भएर बेहोस भएका चौधरीको चैत २३ गतै नै शल्यक्रिया गरिएको हो ।
पाँच लाख खर्च लाग्ने भनेर शल्यक्रिया गरिएका चौधरीको उपचारमा अहिलेसम्म १३ लाख खर्ज भईसकेको छ । चौधरीकी दिदि आरती चौधरीले भनिन अस्पतालमा केबल २ लाख रकम मात्रै जम्मा गर्न सकेका छौ बाँकी ११ लाख जुटाउन कसरी जुटाउने आफु सँग कुनै बिकल्प छैन । आर्थिक समस्या भइरहेको बेला चिकित्सकले दोस्रो शल्यक्रिया गर्नुपर्ने बताएको उनले बताईन ।
दैनिक मजदुरी गरेर घर खर्च चलाउने चौधरीको खेत तथा अन्य सम्पती नभएकाले खर्च जुटाउन समस्या भएको छ । पहिलो शल्यक्रियाको ११ लाख रकम बुझाउन नसकेको अवस्थामा भाइको दोस्रो शल्यक्रिया गर्नुपर्ने भएकाले खर्च जुटाउन के गर्ने भनेर चौधरीको परिवार चिन्तित भएको छ । वृद्ध बुवा, श्रीमती र दुई छोराछोरीको समेत लालनपालन गर्ने जिम्मेवारी भएका गणेश अचेत भएर ढलेदेखि उनको परिवारमाथि बज्रपात परेको छ ।
चौधरीका भिनाजु जीवन श्रेष्ठले चौधरीको विन रक्षाको लागी सबै सहयोगी दाताहरु सँग अनुरोध गर्नु भएको छ । स्वदेश तथा विदेशमा रहेका सहयोग गर्न इच्छुकलाई बिरामी चौधरीको श्रीमती श्रीदेवी चौधरीको एनएमबी बैंकको खाता नम्बर ११८०१८०७५९७०००१८ मा सक्दो सहयोग रकम जम्मा गर्न अनुरोध गरिएको छ।
प्रतिकृया दिनुहोस