धनगढी । आइतबार बेलुका धनगढी अत्तरिया ६ लेन सडकमा पैदल यात्रीलाई ठक्कर दिएर फरार रहेका गाडी चालक र गाडीलाई प्रहरीले नियन्त्रणमा लिएको छ । फरार गाडी चालक धनगढी उपमहानगरपालिका २ बस्ने चालक कृष्ण सिंह पेला र उनले चलाएको सुप ०१–००१च ३५६३ को नम्बरको कारलाई प्रहरीले आज नियन्त्रणमा लिएको हो ।
आइतबार बेलुका ८ बजे एरपोट मोड नजिकै धनगढी उपमहानगरपालिका १३ बस्ने ७० बर्षीया वृद्ध जगतराम रानालाई ठक्कर दिएर गाडी सहित चालक फरार रहेका थिए । वडा प्रहरी कार्यालयबाट खटिएको प्रहरीको टोलीले उनले चलाएको गाडीलाई उनकै घरमा लुकाएर राखेको अवस्थामा र चलाक पेलालाई धनगढी उप–महानगरपालिका परिसरबाट नियन्त्रणमा लिएको हो ।
चालक पेला धनगढी उप–महानगरपालिकामा शिक्षा विज्ञको रूपमा कार्यरत रहेका छन । घाइते जगतराम रानाको सेती प्रादेशिक अस्पतालमा उपचार भइरहेको छ । घटना बारे थप अनुसन्धान भइरहेको प्रहरीले जनाएको छ ।
प्रतिकृया दिनुहोस