सुदूरपश्चिमविरुद्ध संकटमा लुम्बिनीको ब्याटिङ

काठमाडौं ।  नेपाल प्रिमियर लिग (एनपीएल) मा लुम्बिनी लायन्सले सुदूरपश्चिम रोयल्सविरुद्ध खराब सुरुआत गरेको छ ।

त्रिवि क्रिकेट मैदानमा सुदूरपश्चिमले दिएको १८८ रनको लक्ष्य पछ्याएको लुम्बिनीले १९ रन जोड्दा ५ विकेट गुमाएको छ । लुम्बिनीका कप्तान रोहित पौडेलसहित टपअर्डरका ब्याटर आउट भएका छन् ।

लुम्बिनीले एक रन जोड्दा ओपनर अर्जुन साउदलाई र ५ रन जोड्दा अर्का ओपनर उन्मुक्त चन्दलाई गुमाएको थियो ।

९ रन जोड्दा व्यक्तिगत ५ रन जोडेर कप्तान रोहित आउट हुँदा लुम्बिनीले १९ रन जोड्दा चौथो र पाचौं विकेट गुमाउन पुग्यो । टम मुर्स ७ र साद विन जफर शुन्य रनमा आउट भए । बलिङमा सुदूरपश्चिमका ब्रान्डन म्याकमुलेनले ३ र स्कट कुगेलेइनले २ विकेट लिएका छन् ।