चेन्नई सुपरकिंग्स आइपिएल २०२१ को प्लेअफमा प्रवेश गरेको छ।
बिहीबार भएको खेलमा हैदरावादलाई ६ विकेटलेपराजित गर्दै चेन्नईले प्लेअफमा स्थान पक्का गरेको हो। हैदरावाद भने समूह चरणबाटै बाहिरिएको छ।
बिहीबार पहिले ब्याटिङ गरेको हैदरावादले ७ विकेटको क्षतिमा १३४ रन जोड्यो।
हैदरावादका लागि ऋद्धिमान साहले सबैभन्दा बढी ४४ रन जोडे। बलिङमा चेन्नईका जोस हजलउडले ३ विकेट लिए।
१३५ रनको लक्ष्य चेन्नईले २ बल खेल्न बाँकी छदा ४ विकेटको क्षतिमा पूरा गर्यो।
चेन्नईका लागि रुतुराज गायकवाडले ४५ रन जोडे। फाप डु प्लेसिसले ४१ रनको योगदान गर्दा अम्बाती रायदुले नटआउट १७ र कप्तान महेन्द्रसिंह धोनीले नटआउट १४ रन बटुले।
बलिङमा हैदरावादका जासन होल्डरले ३ विकेट लिन सफल भए। राखिद खानले १ विकेट हात पारे।
जितसँगै अंक तालिकाको शीर्ष स्थानमा रहेको चेन्नईले ११ खेलबाट १८ अंक जोडेको छ। पुछारको हैदरावादको ४ अंक छ।
प्रतिकृया दिनुहोस