पवन भण्डारी,धनगढी । जिल्ला अस्पताल बैतडीमा कार्यरत चिकित्सक सहित विभिन्न फाँटमा कार्यरत कर्मचारीहरूले आन्दोलनका कार्यक्रम घोषणा गरेका छन । ९ महिना देखि अतिरिक्त सेवा तथा सार्वजनिक बिदाको दिन काम गरे बाफतको भत्ता नपाएको भन्दै उनीहरू आन्दोलित बनेका हुन ।
प्रदेशको सामाजिक विकास मन्त्रालयलाई पटक पटक पत्राचार गर्दा पनि कुनै सुनुवाइ नभएपछि आन्दोलन गर्नु परेको विज्ञप्तिमा उल्लेख रहेको छ । सेवा सुविधा बारे समन्धीत निकायमा कुरा गर्दा नियम विपरीत परिपत्र जारी गर्ने ,चिकित्सकहरूको सरुवा गर्ने लगायतका कार्यहरू मात्र भएको विज्ञप्तिमा उल्लेख गरिएको छ ।
अबको ९६ घण्टा भित्र आफूहरूको माग सम्बोधन नभए इमरजेन्सी र वार्ड बाहेकका सेवा बन्द गरी आन्दोलन गर्ने चेतावनी समेत दिएको छ । अस्पतालका निमित्त प्रमुख डा हरिस चन्द्र विष्टले आफूहरूले पटक पटक सामाजिक विकास मन्त्रालयमा जानकारी गराउँदा पनि कुनै वास्ता नै नगरेपछि बाध्य भएर आन्दोलन गर्नु परेको बताए । उनले भने हामीहरू दिनरात न भनेर काम गछौ तर आफुुले पाउनु पर्ने भत्ता समेत आफूहरूले पाउन आन्दोलन गर्नु गर्नु पर्ने बाध्यता आयो उनले भने ।
तर सुदूरपश्चिम प्रदेशको सामाजिक विकास मन्त्रालयका सचिव चक्र पाणि पाण्डेले आफूहरूले प्रत्येक अस्पतालहरूमा बजेट दिएको बताए । अस्पतालले कति खर्च भयो कति बाकी रहेको छ र कति चाहिन्छ भन्ने बारे कुनै जानकारी नै नदिएको बताउँदै अस्पतालले पहिले पटाएको पैसाको खर्चको विवरण नपठाउँदा थप पैसा पठाउन नसकेको बताए ।
प्रतिकृया दिनुहोस