काठमाण्डौ – तेक्वान्दो ग्रेटर बे कप अन्तर्राष्ट्रिय श्रृङ्खलामा सहभागी हुन ९ जना खेलाडीसहित ११ सदस्यीय नेपाली टोली हिजो मकाउ गऐको छ ।
भोलि भदौ ८ र पर्सि ९ गते हुने प्रतियोगिताको पुरुष ६८ केजीमुनि डेनिड विक र विमल रोकाया, ८० केजीमुनि सुरज कार्की, ३६ केजीमुनि असिम श्रेष्ठ तथा ४७ केजीमुनि र एकल पुम्सेमा प्रबलविक्रम बानियाँले प्रतिस्पर्धा गर्ने छन् ।
महिलाको एकल पुम्सेमा मुना खवास मगर, ४२ केजीमुनि विनिशा प्रधान, ५५ केजीमुनि अन्जली लामा र एकल पुम्सेमा अनुजा राईले खेल्ने छन् । टिम व्यवस्थापकमा अमरबहादुर श्रेष्ठ र निर्णायकमा अन्तर्राष्ट्रिय निर्णायक कुमार लामा घिसिङ रहेका छन् ।
निर्णायक घिसिङका अनुसार मकाउमा रहेका ओमप्रकाश खड्काले ८७ केजीमुनि तथा हङकङमा रहेका नोबेल गुरुङले ४८ केजीमुनि यही प्रतियोगितामा सहभागिता जनाउने छन् । टोली प्रमुखमा मकाउमै रहेका नेत्रबहादुर तिमल्सिना रहेका छन् ।
प्रतिकृया दिनुहोस