कञ्चनपुर । कञ्चनपुरको बेलौरीबाट लागू औषध ब्राउन सुगर सहित २ जना पक्राउ परेका छन् । इलाका प्रहरी कार्यालय बेलडाँडीका प्रहरी निरीक्षक कृष्ण कुँवरका अनुसार हिजो (सोमबार) साँझ इलाका प्रहरी कार्यालय बेलडाँडीबाट खटिएको प्रहरी टोलीले १ दशमलव १५ मिलिग्राम ब्राउन सुगर सहित बेलौरी नगरपालिका १० सडकघाटबाट २ जनालाई पक्राउ गरेको हो ।
पक्राउ पर्नेमा बेलौरी नगरपालिका १० सडकघाटका विकास चौधरी र सोही ठाउँका खेम बहादुर थापा रहेको बताए ।
पक्राउ परेका दुवै जनामाथि थप अनुसन्धान भइरहेको प्रहरीले जनाएको छ ।
प्रतिकृया दिनुहोस