धनगढी । नेकपा एमाले कैलालीको नेतृत्व चयनका लागि तोकिएको मतदान स्थलमा नाराबाजीसहित प्रर्दशन भएको छ । मतदान सुरु नभएपछि प्रतिनिधीहरुले निर्वाचन समितिविरुद्ध नाराबाजीसहित तोडफोड गरेका हुन् ।
निर्वाचन समितिले समयमै मतदान सुरु नगरेको भन्दै प्रतिनिधीहरुले समितिविरुद्ध नाराबाजीसहित तोडफोड गरेका हुन् । निर्वाचन समितीले आज बिहान साढे ८ बजेबाट मतदान गर्ने कार्य तालिका सार्वजनिक गरेको थियो । तर अहिले सम्म पनि मतदान हुन सकेको छैन ।
मतदान समयमै सुरु नहुँदा प्रतिनिधि आक्रोशित भएका हुन् । यता निर्वाचन समितीले आवश्यक तयारी पूरा नहुँदा मतदान सुरु हुन नसकेको जनाएको छ । जिल्लाको नेतृत्वका लागि रतन थापा र रण बहादुर चन्द प्यानलसहित चुनावी मैदानमा छन् ।
प्रतिकृया दिनुहोस