कञ्चनपुर । प्रहरीले कञ्चनपुरमा लागुऔषधसहित तीनजना युवकलाई पक्राउ गरेको छ ।
पक्राउ पर्नेमा जिल्लाको दोधारा चाँदनी नगरपालिका-७ बाबाथानका अन्दाजी २४ वर्षीय विवेक राना, सोही ठाउँका अन्दाजी २० वर्षीय रोकि भन्ने राहुल रानामगर र दोधारा चाँदनी-६ शान्तिटोलका अन्दाजी १८ वर्षीय किरोज भन्ने मुस्कान शाही रहेका छन् ।
उनीहरुको साथबाट ४ ग्राम ८५० मिलिग्राम लागुऔषध खैरो हिरोइन फेला परेको जिल्ला प्रहरी कार्यालय कञ्चनपुरले जनाएको छ ।
त्यस्तै, दोधारा चाँदनी-७ कै डम्बर चौराहाका प्रेम बडुवालको घरबाट उनीहरुले चोरी गरी ल्याएको म२प ५०८१ नम्बरको मोटरसाइकल पनि फेला पारी तीनै जनालाई पक्राउ गरिएको कार्यालयका प्रवक्ता प्रहरी नायब उपरीक्षक चक्रबहादुर शाहले बताए ।
उनीहरु माथि कानून बमोजिम अनुसन्धान कार्य भइरहेको प्रहरीले जनाएको छ ।
प्रतिकृया दिनुहोस