सुदूरपश्चिमका मुख्यमन्त्री त्रिलोचन भट्टले निर्माणाधीन गेटा मेडिकल कलेज अनुगमन गरेका छन् । आज (बिहिवार ) सञ्चालनको प्रक्रियामा रहेको गेटा मेडिकल कलेजको अनुगमन गरेका हुन् ।
उनीसँगै प्रदेशका सामाजिक विकासमन्त्री गोविन्दराज बोहरा , गेटा मेडिकल कलेजका मेडिकल सुपरिटेन्डेन्ट डाक्टर प्रमोद जोशी लगायत सहभागी थिए ।
अवलोकनका क्रममा मुख्यमन्त्री भट्टले प्रदेश सरकार मेडिकल कलेजमा मिलेर काम गर्न इच्छुक रहेको बताए । उनले भने, नागरिक को पहिलो आवश्यकता अस्पताल हो , यसलाई संघिय सरकारले चलाएता पनि प्रदेश सरकारको साझेदारिमा चलाए नजिक बाट निगरानी गर्ने व्यवस्थापनमा गर्ने सहज हुन्छ ।
त्यस्तै मेडिकल कलेजका भित्री संरचना विद्युत्, पानी, ढललगायतको व्यवस्थापनमा समस्या देखिएकाले त्यसको व्यवस्था गर्न सम्बद्ध पक्षलाई निर्देशन दिएको जनाइएकोे छ ।
प्रतिकृया दिनुहोस