धनगढी– आइतबार कैलालीको धनगढी चौराहबाट अपहरण गरिएको भनिएका एक सुन व्यवसायी सुन चोरीको मुद्दामा पक्राउ परेका छन । धनगढीको चौराहबाट पक्राउ परेका सन्तोष सुनार डोटीको बुडरमा सुनचादी गहना पसल सञ्चालन गर्दै अएको प्रहरीले जनाएको छ ।
भारतको कर्नाटकमा चोरी गरेको आरोपमा प्रहरीले उनलाई धनगढी चौराहबाट पक्राउ गरेको जनाएको छ । जिल्ला प्रहरी कार्यालय कैलालीका प्रवक्ता वेदप्रकाश जोशीका अनुसार प्रहरीको विशेष समूहले उनलाई पक्राउ गरी अहिले जिल्ला प्रहरीको थुनुवा कक्षमा राखेको छ । भारतीय प्रहरी र नेपाल प्रहरीको संयुक्त टोलीले उनलाई आइतबार नियन्त्रणमा लिएको हो । चोरीको विस्तृत विवरण भने प्रहरीले खुलाएको छैन् ।
प्रतिकृया दिनुहोस