दार्चुलामा चितुवा मृत अवस्थामा फेला परेको छ । जिल्लाको लेकम गाउँपालिका वडा नम्बर -१ दानुगाड खोला किनारमा चितुवा मृत अवस्थामा फेला परेको हो ।
आईतवार बिहान चितुवा मृत अवस्थामा फेला परेको बताइएको छ । अहिले उक्त चितुवाबारे अनुसन्धान भइरहेको डिभिजन वन कार्यालय दार्चुलाले जनाएको छ ।
डिभिजन वन कार्यालय दार्चुलाका अनुसार स्थानीयले थाहा पाएपछि प्रहरीलाई खबर गरेका थिए । प्रहरी र सब डिभिजन वन कार्यालयका कर्मचारीको टोली घटनास्थलतर्फ गएको छ।
प्रतिकृया दिनुहोस