जिल्ला प्रशासन कार्यालय कञ्चनपुरले आईतबारदेखी बिहान ८ बजेदेखि साँझ ६ बजेसम्म राहदानी सेवा दिने भएको छ । राहदानी बनाउनेहरुको संख्यामा वृद्धि भएपछि जिल्ला प्रशासन कार्यालयले बिहान ८ बजेदेखि साँझ ६ बजेसम्म राहदानी सेवा दिने भएको हो ।
राहदानी सेवालाई छिटो छरितो प्रवाह गर्नका लागि कार्यालय समय बाहेक अतिरिक्त चार घण्टा समय थप गरी सेवा विस्तार गरिने भएको कञ्चनपुरका प्रमुख जिल्ला अधिकारी गोपाल कुमार अधिकारीले जानकारी दिए ।
कार्यालयले आईतबारदेखी बिहिबारसम्म बिहान ८ बजेदेखि ६ बजेसम्म र शुक्रबार ८ बजेदेखि ४ बजेसम्म सेवा दिने जनाएको छ । त्यसैगरी राहदानीको अनलाईन फर्म भर्न नजान्नेहरुका लागि निःशुल्क फर्म भर्ने व्यवस्था समेत मिलाइएको छ ।
प्रतिकृया दिनुहोस