कैलालीमा लागुऔषधसहित एक युवक पक्राउ परेका छन् । कैलालीको गोदावरी नगरपालिकाबाट लागुऔषधसहित एक युवक पक्राउ परेका हुन् ।
उक्त लागुऔषधसहित पक्राउ परेका युवक कञ्चनपुरको कृष्णपुर नगरपालिका-८ का २५ वर्षीय भुवन चौधरी रहेको जिल्ला प्रहरी कार्यालय कैलालीले जनाएको छ । प्रहरीका अनुसार उनी बुधवार साँझ गोदावरी नगरपालिका- ५ मा लागुऔषधसहित पक्राउ परेका हुन् ।
ईलाका प्रहरी कार्यालय मालाखेतीबाट खटिएको सादा पोषाकको प्रहरी टोलिले चेकजाँच गर्दा उनको साथबाट २२० मिलीग्राम लागुऔषध फेला पारि पक्राउ गरिएको हो । हाल उनलाई नियन्त्रणमा लिएर थप अनुसन्धान भइरहेको छ ।
प्रतिकृया दिनुहोस