डडेल्धुरामा जङ्गली च्याउ खादा एक जनाको मृत्यु भएको छ । जिल्लाको गन्यापधुरा गाउँपालिका २ मा जङ्गली च्याउ खादा बर्दियाको बारबर्दिया गाउँपालिका ७ का राम दुलारी थारुको मृत्यु भएको हो ।
डडेल्धुरामा गाउँपालिकाको नवनिर्मित भवनमा काम गर्ने ५० वर्षीय राम दुलारी थारु हिजो (शुक्रवार) साँझ जङ्गली च्याउ खाई बिरामी भएका थिए । उनको डडेल्धुरा अस्पताल डडेल्धुरामा उपचारको क्रममा राती मृत्यु भएको प्रहरीले जनाएको छ । यस सम्बन्धमा थप अनुसन्धान भइरहेको बताइएको छ ।
प्रतिकृया दिनुहोस