काठमाण्डाै - प्रधानमन्त्री कप राष्ट्रिय क्रिकेट प्रतियोगितामा आज तीनवटा खेल हुँदैछन् । आज कीर्तिपुरमा कोशी प्रदेश र नेपाल पुलिस क्लबबीचको खेल हुँदैछ ।
मूलपानी क्रिक्रेट मैदानमा बाग्मती र मधेस प्रदेशको खेल हुँदैछ । कर्णाली र सुदूरपश्चिमको खेल भने रुपन्देहीको भैरहवामा रहेको सिद्धार्थ क्रिकेट रङ्गशालामा हुँदैछ ।
हिजो भएका तीन वटा खेलमा एपीएफ, आर्मी र सुदूरपश्चिम विजयी भएका थिए । प्रतियोगितामा एपीएफ लगातार दोस्रो खेल जित्दै ४ अङ्कसहित तालिकाको शीर्ष स्थानमा उक्लिएको छ ।
आर्मी २ अङ्कसहित तालिकाको दोस्रो स्थानमा छ । सुदूरपश्चिम २ अङ्कसहित तालिकाको तेस्रो स्थानमा छ । लुम्बिनी २ खेलमा २ अङ्कसहित सातौँ स्थानमा छ । यो प्रतियोगितामा ७ प्रदेश र तीन विभागीय गरी १० टोली सहभागी छन् ।
प्रतियोगितामा पहिलो पटक ‘राउन्ड रोबिन’ अर्थात् सबै टोलीले एकअर्कासँग खेल्नेछन् । हरेक टोलीले एकअर्कासँग खेलेपछि शीर्ष ४ टोलीले सेमिफाइनल खेल्नेछन् ।
प्रतिकृया दिनुहोस