शिवराज ढुंगाना ,अछाम । सन्तानको रहर पूरा भएका ५३ जनाले निःशुल्क स्थायी बन्ध्याकरण सेवा लिएका छन् । स्थायी बन्ध्याकरण शिविरबाट ३६ जना महिलाले मिनिल्याप र र १७ पुरुषले भ्यासेक्टोमी सेवा लिएको स्वास्थ्य कार्यालय अछामका प्रमुख वरिष्ठ जनस्वास्थ्य अधिकृत झनकराज ढुङ्गानाले जानकारी दिनुभयो ।
स्थायी बन्ध्याकरण शिविरबाट रामारोशन गाउँपालिकामा ३५ जना, पञ्चदेवल विनायक नगरपालिकामा सात जना, मङ्गलसेनमा ६ जना, मेल्लेख गाउँपालिकामा पाँच जना रहेका छन् ।
स्वास्थ्य कार्यालय अछामको आयोजनामा सम्बन्धित स्थानीय तह र नेपाल परिवार नियोजन सङ्घको समन्वयमा चार स्थानमा निःशुल्क शिविरको आयोजना गरिएको थियो ।
ग्रामीण भेगका पुरुष र महिलालाई सन्तानको रहर पूरा भइसकेपछि घरनजिक सेवा दिन शिविर फागुन ११ गतेबाट सुरु भएर १५ गतेसम्म सञ्चालन गरिएको थियो । स्वास्थ्य कार्यालयले विभिन्न निकायसँग मिलेर ग्रामीण भेगमा निःशुल्क शिविर गर्दै आइरहेको छ ।
प्रतिकृया दिनुहोस