धनगढी । तिजका भाका भन्दै विकृति फैलाउने केही गीतहरू बजारमा आइरहेका बेला सुदूरपश्चिमका चर्चित गायिकाहरूको सामूहिक तिज गीत ‘किन्दिनु बाबाले झुम्काना’बोलको गीत बजारमा आएको छ । हिन्दु नारीहरूको महान् पर्व तीज नजिकिँदै गर्दा सदुरपश्चिमका चर्चित ११ जना गायिकाहरूको आवाजमा रहेको उक्त गीत बजारमा आएको हो ।
तीजको अवसर पारेर गीतहरू बजारमा आउने क्रम बढ्दै गईरहेका बेला सुदूरपश्चिमका चर्चित अनुहारको मौलिक तिज गीत बजारमा आउको हो । पछिल्लो समय तिज गीतको नाममा विकृति बढ्दै गईरहेका बेला सो मौलिक गितले विकृति विसङ्गति ल्याउनेहरू लाई गतिलो झापड दिएको छ ।
यसरी बढ्दो विकृतिलाई निरुत्साहित गर्दै सुदूरपश्चिमका दिदीबहिनीहरूले मौलिक तीज गीत सार्वजनिक गरेकी छन । बिहीबार विशेष फिल्म युट्युब च्यानलमार्फत मौलिक गीत बजारमा आएको हो ।
उक्त गीतमा हेमन्ता भट्टराई, गौरी भट्ट, रेखा जोशी, शोभा थापा, निरूता खत्री, दीपा रोकाया, पशुपति खनाल, भावना चन्द, कृष्णा सिराडी, ऋतु थापा र गौरी ओझाको स्वर छ । हेमन्ता भट्टराईको शब्द र संगीत रहेको गीतमा विजय थापाले संगीत संयोजन गरेका छन ।
वर्षको एक दिन आउने तीजमा छोरी चेलीहरूलाई नाच्न मन लाग्ने भएकाले झुम्काना किन्दिन गीत मार्फत बुवालाई आग्रह गरिएको छ ।
उक्त गीतको भिडिओमा प्रवीण थापाको निर्देशन रहेको छ । भिडिओमा सिम्रन दुलाल, अनिता साउँद लगायतको अभिनय देख्न सकिन्छ । चक्र बरालले छायाङ्कन गरेको भिडिओलाई टेकेन्द्र शाहले सम्पादन गरेका हुन ।
प्रतिकृया दिनुहोस