मोडलिङमा जम्दै पूर्वी ओझा

धनगढी । बैतडीमा जन्मेकी अहिले हाल काठमान्डौमा ब्युटिसियन सँगै मोडलिङ  व्यस्त छिन पूर्वी ओझा  । सुदूरपश्चिमबाट काडमाण्डौ छिरेकी ओझा पेशाले ब्युटिसियन पनि हुन । उनको हाल बसाई भने धनगढी कैलाली रहेको छ । उनी काठमाण्डौकै एक पार्लरमा जागिर समेत गर्दै आएकी छन । पछिल्लो समयमा मोडलिङको रहर अवसरको खोजीमा धेरै रहेको पाइन्छ र सबैको रहर सबैको हुन्छ । मोडलिङमा रम्ने तर पनि मोडलिङ गर्न त्यति सजिलो भने पक्कै छैन ।

म्युजिक भिडियोमा मोडलिङ गर्ने र फोटो सुट गराउनेहरू धेरै नै छन तर मोडलिङमा सबैले स्थान पक्कै पाएका छैनन् । त्यस्तै निरन्तर रूपमा लागेकी आफ्नो प्रतिभालाई चिनाउने क्रममा छन पूर्वी ओझा ।  करिब ४ देखी ६ वटा सम्म डेउडा म्युजिक भिडियोमा उनले अभिनय गरिसकेकी छिन । छिनोफानो डटकम सँग कुरा गर्दै ओझाले भनिन् “एक्टिङहरु राम्रो गर्नु पर्छ भने जस्तो सजिलो छैन । आफ्नो रहर यो क्षेत्र भएकोले आफूले निकै मेहनत गरिरहेको उनले बताईन । आफूले अभिनय गरेका डेउडा गीतहरू सोचे जति चर्चित नभए पनि आगामी दिनमा राम्रो गर्दै जाने उनी बताउँछन् । 

पछिल्लो समयमा डेउडा गीत सङ्गीत र म्युजिक भिडियो निरन्तर रूपमा बजारमा आइरहेका छन । दिनहुँ जस्तो नयाँ मोडेल र कलाकारहरू यो क्षेत्रमा जन्मिरहेका छन ।   गीत सङ्गीतको क्षेत्र लाई राज्यले पनि चासो दिनु पर्ने ओझाको भनाई छ । 

आफूले आगामी दिनमा आउने गीतहरूमा आफ्नो अभिनयलाई अझै राम्रो गर्ने उनले बताईन । साथै आफूलाई अभिनय गर्ने रहर भएर पनि नपाएको र यो क्षेत्रमा आफूलाई जोड्ने सबैलाई धन्यवाद समेत दिइन ।