कैलालीमा ठगी मुद्धाका फरार प्रतिवादी ७ बर्ष पछि पक्राउ परेका छन् । जिल्लाको गोदावरी नगरपालिका ११ का ५६ बर्षीय पदम बहादुर बडैला पक्राउ परेका हुन ।
जिल्ला प्रहरी कार्यालय कैलालीबाट खटिएको प्रहरी टोलीले उनलाई पक्राउ गरेको हो । कैलाली जिल्ला अदालतले २०७१ साल जेठ २५ गतेको फैसलाले एक महिना कैद र ७६ हजार जरिवाना सजाय तोकेको थियो ।
उनलाई लुकिछिपि बसेको अवस्थामा घरबाटै पक्राउ गरिएको जिल्ला प्रहरी कार्यालय कैलालीका प्रहरी नायब उपरीक्षक वेदप्रकाश जोशीले जानकारी दिए । पक्राउ पश्चात प्रहरीले प्रतिवादी बडैलालाई आजै कैलाली जिल्ला अदालतमा पेश गरेको छ ।
प्रतिकृया दिनुहोस