पवन भण्डारी,धनगढी । वि.स २०५८ सालमा विस्तावित बनेका कञ्चनपुरका आरक्ष पिडित दुई दशक बितिसक्दा पनि एउटा खुल्ला आकाशमुनि बस्न बाध्य छन । कांग्रेस सभापति एबम प्रधानमन्त्री शेर बहादुर देउवाका पालामा शुक्लाफाँटा विस्तारका क्रममा विस्थापित पिडितको अहिलेसम्म पुर्नस्थापना हुन सकिरहेको छैन ।
पटक पटक सरकार परिबर्तन र नेताहरुको आस्वासन बाहेक पुर्नस्थापनाका लागी अहिले सम्म कुनै पनि सरकारले पहल नगरेको पिडितहरुको गुनाँसो छ । पिडितहरुले प्रधानमन्त्री देउवाले आफुहरुको उठिबाँस गरेको तर ५ पटक प्रधानमन्त्री हुदा समेत आफुहरुका समस्या प्रति गम्धीर नबनेको बताए ।
प्रधानमन्त्री देउवाले नै आफुहरुलाई बिस्तापित गरेको पिडितहरुको आरोप रहेको छ । आफुहरु लाई सरकारले जनवार जत्तिको ब्यावहार नगरेको आरक्ष पिडितहरुले बताए ।
आफुहरुले २० बर्ष सम्म निकै पिडा भोगी रहदा पनि सरकारले वास्ता नै नगरेको स्थानीयको दुखेसो छ । सरकारले बिभिन्न आयोग गठन गर्दै आफुहरुको आँखामा छारो हाल्ने काम मात्र गरेको स्थानीय जना देबि लुहारले बताईन ।
आरक्ष पिडीतहरु ले पटक पटक आन्दोलनका कार्यक्रम गर्दै आएको भएपनि कसैले आफुहरुका समस्या नहेको आरक्ष पिडीत संघर्ष समितीका अध्यक्ष कर्ण बहादुर चन्दले बताए । उनले आफुहरुको नाम बेच्दै बिभिन्न आयोगहरु बनाउदै कार्यकर्ता पाल्ने मात्र काम हरेक सरकार बाट भएको आरोप समेत लगाए ।
आरक्ष पिडीतहरु प्रदेश सरकार देखि लिएर संघीय सरकार लाई पटक पटक बिभिन्न संर्घषका कार्यक्रम गरेको भए पनि हाल सम्म सुनुवाई भएको छैन । पिडितहरुले सुदुरपश्चिम प्रदेशका मुख्यमन्त्री कार्यलय गेटमा समेत धर्ना दिएका थिए ।
प्रतिकृया दिनुहोस