पाल्पा । चोरीको सामानसहित पाल्पामा एक जना व्यक्ति पक्राउ परेका छन् ।
पक्राउ पर्नेमा बगनासकाली गाउँपालिका–२, पोखराथोकका अर्जुन कोइराला रहेका छन् । उनलाई असार १ गते बगनासकालीबाट बा. प्र. ०२–०४३ प २५६४ नम्बरको मोटरसाइकल सहित पक्राउ गरिएको प्रहरीले जनाएको छ । उनको साथबाट सुनजस्तो देखिने चार थान गरगहना, मोटरसाइकल, तीन थान मोबाइल, चाँदीकाे एक थान औठी एनसेल र एनटिसीका २० थान सिमकार्ड र १८ हजार ६०० रुपियाँ नगद बरामद गरिएको सूचना अधिकारी श्रेष्ठले जानकारी दिए ।
पक्राउ परेका व्यक्ति गत जेठ १५ गते साँझ तानसेन १२ की नन्दकुमारी खत्रीले लगाएको दुई तोलाको सुनको सिक्री चोरी गरेर भागेको श्रेष्ठले बताउनुभयो । सो घटनामा संलग्नको खोजी गर्ने क्रममा कोइरालालाई पक्राउ गरेर अनुसन्धान अघि बढाएको उहाँले बताउनुभयो ।
प्रतिकृया दिनुहोस