पवन भण्डारी,धनगढी । अछामको साँफेबगर नगरपालिकाले सवारी साधन मर्मतमा ८१ लाख ३० हजार ४ सय ६५ रुपैयाँ खर्च गरेको भेटिएको छ ।
महालेखा परीक्षकको कार्यालयले हालै सार्वजनिक गरेको वार्षिक प्रतिवेदनमा साँफेबगर नगरपालिकाले सो मर्मतमा सो रकम खर्च गरेको पाइएको हो ।
गत आर्थिक वर्ष २०७९र ८० मा यस पालिकाले ८१ लाख ३० हजार ४ सय ६५ रुपैयाँ सवारी तथा औजार मर्मतमा मात्रै खर्च गरेको महालेखाको वार्षिक प्रतिवेदनमा उल्लेख रहेको छ ।
नगरपालिकाले बर्ष भरि मेशिनरत तथा औजार मर्मत सम्भार तथा सञ्चालन खर्चबाट १३ लाख ८७ हजार २ सय ९९ रुपैयाँ ,निर्मित सार्वजनिक सम्पत्तिको मर्मत सम्भार शीर्षकबाट ६ लाख १२ हजार ३ सय १७ तथा सवारी साधन मर्मत शीर्षकबाट ६१ लाख ६१ लाख ३० हजार ८ सय ४९ गरि ८१ लाख ३० हजार ४ सय ६५ रुपैयाँ खर्च गरेको महालेखा परीक्षकको कार्यालयको प्रतिवेदनमा उल्लेख रहेको छ ।
प्रतिवेदनमा भनिएको छ मर्मत गर्दा केही मर्मत आदेश स्वीकृत गरेको भए पनि अन्यका बिलहरू मात्र संलग्न राखी भुक्तानी दिएको महालेखाले उल्लेख गरेको छ । साँफेबगर नगरपालिकाले इन्धनमा समेत मनोमानी खर्च गरेको भेटिएपछि महालेखाले प्रश्न समेत उठाएको छ । इन्धनमा मात्र साँफेबगर नगरपालिकाले ८८ लाख ६२ हजार ७ सय ९० रुपैयाँ खर्च गरेको छ ।
प्रतिकृया दिनुहोस