धनगढी : धनगढी उप–महानगरपालिका–७ मा अस्पतालको नाममा सञ्चालनमा ल्याइएको चर्चको अनुगमन गरिएको छ । प्रमुख जिल्ला अधिकारी सहित सुरक्षा निकायका अधिकारीले चर्चको अनुगमन गरेका हुन ।
कैलालीको धनगढीमा छालाको अस्पताल खोल्ने भन्दै निर्माण गरिएको भवनमा चर्च स्थापना गरिएको भन्दै स्थानीयको विरोध गरेपछि मंगलबार अनुगमन गरिएको हो । स्थानीयबासीले इसाई मिसनरीले आफुहरुलाई झुक्याएर चर्च खडा गरेको भन्दै विरोध गरेपछि सोे विषय बाहिर आएको हो ।
व्यावसायिक प्रयोजन देखाएर भवन निर्माण गरी धर्म परिवर्तन गर्न चर्च चलाउने काम भएको भन्दै स्थानीयले चर्च बन्द हुनुपर्ने माग गर्दै बिरोध गदै आएका छन । अनुगमनका क्रममा चर्च भित्र बिभिन्न मासु जन्य पर्दाथ ,धर्म समन्धी किताबहरु भेटीएका छन । चर्च सञ्चालन गरेको भन्दै स्थानीयबासीले बिगत केहि दिन देखि बिरोध गर्दै आएका थिए ।
स्थानीयको बिरोध तथा गुनाँसो पछि मङ्गलवार प्रमुख जिल्ला अधिकारी धर्मेन्द्रकुमार मिश्र, जिल्ला प्रहरी प्रमुख पदम बहादुर विष्ट, सशस्त्र प्रहरी र अनुसन्धानका अधिकारी समेतले चर्च भवनको अनुगमन गरेका थिए । अनुगमनका क्रममा सो चर्चमा बिभिन्न मासुजन्य पदार्थ,धर्म समन्धी किताबहरु,तथा भजन कृतनका लागी प्रयोग गरिने बिभिन्न सामानहरु भेटीएका थिए । साथै सो भवनमा रहेको मासुजन्य पर्दाथ परिक्षणका लागी ल्याबमा समेत पठाईसकेको छ ।
लेट मेइन प्रालि धनगढी र नेपाल लाइफ वर्ड मिसनले भवनमा धनगढी मण्डली नामक चर्च चलाएका हुन । विभिन्न प्रलोभन देखाएर आस्था परिवर्तन गर्ने काम गरेको देखिए कारबाही गरिने प्रमुख जिल्ला अधिकारी मिश्रले बताए । साथै उनले छानविन नहुँदासम्म चर्चमा कुनै पनि गतिविधि नगर्न निर्देशन दिएका छन ।
विभिन्न प्रलोभन देखाएर आस्था परिवर्तन गर्न लगाएको भन्दै स्थानीयले प्रहरीमा जाहेरी दिए पछि प्रहरीले सो चर्चमा काम गर्ने ३ जना लाई नियन्त्रणमा लिएको छ ।
प्रतिकृया दिनुहोस