कैलालीमा लागूऔषध मुद्दाका दुई फरार प्रतिवादी पक्राउ

कैलाली । जिल्ला अदालत कैलालीको विभिन्न मितिको फैसलामा कैद सजाय तोकिएपछि फरार रहेका दुई प्रतिवादीलाई प्रहरीले पक्राउ गरेको छ।

आइतबार जिल्ला प्रहरी कार्यालयबाट खटिएको टोलीले धनगढी उपमहानगरपालिका–६ निवासी २४ वर्षीय दिलबहादुर चौधरी र २६ वर्षीय आसाराम चौधरीलाई पक्राउ गरेको हो।

दिलबहादुरलाई लागूऔषधसम्बन्धी मुद्दामा अदालतले १ वर्ष कैद सजाय तोकेको थियो। त्यस्तै, आसारामलाई सोही मुद्दामा ४ महिने कैद सजाय तोकिएको थियो।

दुवै जना फरार रहँदै आएको र खोजतलासका क्रममा पक्राउ गरिएको प्रहरीले जनाएको छ। उनीहरूलाई अदालतका फैसलाअनुसार कैद सजाय कार्यान्वयनका लागि आवश्यक प्रक्रिया अगाडि बढाइएको जिल्ला प्रहरी कार्यालय कैलालीले जनाएको छ।