कञ्चनपुरमा साढे तीन लाखको अवैध सामान बरामद

धनगढी । कञ्चनपुरमा अवैध रूपमा भारतबाट भन्सार छलि गरी ल्याइएका सामानहरू प्रहरीले बरामद गरेको छ।

भिमदत्त नगरपालिका–१० सुखासाल र बेलौरी नगरपालिका–१० जर्सिखल्ला क्षेत्रबाट अन्दाजी मूल्य तीन लाख ५६ हजार आठ सय रुपैयाँ बराबरको चिनी, मोबाइल, विभिन्न किसिमका कपडा लगायतका सामानहरू बरामद गरिएको हो ।

जिल्ला प्रहरी कार्यालय कञ्चनपुर तथा मातहत कार्यालयबाट खटिएको प्रहरी गस्ती टोलीले वेबारिसे अवस्थामा फेला पारी नियन्त्रणमा लिएको हो।

बरामद गरिएका सामान सम्बन्धित निकायमा बुझाउने प्रक्रिया अगाडि बढाइएको प्रहरीले जनाएको छ।