काठमाडौं।अन्तरिम सरकारकी प्रधानमन्त्री सुशीला कार्कीले युवा पुस्ताले सुरु गरेको राजनीतिक क्रान्तिलाई सबैले स्वीकार गर्नुपर्ने बताए।
जेन-जी आन्दोलनको एक महिना पुगेको स्मरणमा शुक्रबार आयोजित कार्यक्रममा सम्बोधन गर्दै उनले युवाले उठाएका माग र भावनालाई गम्भीरतापूर्वक आत्मसात गर्न सबै राजनीतिक दल र नेतृत्व जिम्मेवार हुनुपर्ने उल्लेख गर्नुभयो।
प्रधानमन्त्री कार्कीले भन्नुभयो, “युवाहरुले गरेको राजनीतिक क्रान्तिको भावनालाई आज हामी सबैले आत्मसाथ गर्न जरुरी छ।यो क्रान्ति पछाडिको कारणलाई गम्भीरतापूर्वक लिनुपर्छ।हाम्रा युवाहरुको बलिदानपछि राजनीतिक र आर्थिक सुधार, विधि र न्यायको शासन, तथा भ्रष्टाचार र बेथितिको अन्त्यको तीव्र चाहना रहेको छ।
उनले विगतका सरकारहरूले युवाहरूका आवाज सुन्न र माग सम्बोधन गर्न नसकेको स्वीकार गर्दै सबैले आफ्ना कमजोरी र गल्तीलाई विनम्रतापूर्वक स्वीकार गर्नुपर्ने बताए।
प्रधानमन्त्री कार्कीले युवा पुस्ताको चाहना र बलिदानको सम्मान गर्दै नयाँ मार्गमा अघि बढ्ने सरकारको प्रतिबद्धता व्यक्त गर्नुभयो।उनले आन्दोलनका क्रममा घाइते र पीडितका लागि विशेष उपचार तथा राहत कार्यक्रम ल्याइएको र उनीहरूको दीर्घकालीन कल्याणका लागि थप संयन्त्र बनाउने तयारी भइरहेको बताए।
भ्रष्टाचार, बेरोजगारी र विभेद जस्ता समस्याहरू अन्त्य गर्न राजनीतिक तथा प्रशासनिक सुधार अघि बढाइने उल्लेख गर्दै उनले भविष्यको नेपाल निर्माणमा जेन–जी पुस्तालाई अर्थपूर्ण रूपमा सहभागी गराइने आश्वासन दिए।
प्रतिकृया दिनुहोस