लागूऔषधसहित पाँच पक्राउ

कैलाली प्रहरीले लागूऔषध खैरो हेरोइनसहित पाँच जनालाई पक्राउ गरेको छ । धनगढीको विभिन्न ठाउँबाट उनीहरुलाई पक्राउ गरिएको हो । 

पक्राउ पर्नेमा कञ्चनपुरको भीमदत्त नगरपालिका–१० का २६ वर्षीय तपेन्द्र पाली, वडा नम्बर ९ का २५ वर्षीय महेश ओड, वडा नम्बर १८ का २७ वर्षीय नवल बोहरा रहेका छन् । 

यसैगरी, प्रहरीले धनगढी उपमहानगरपालिका–९ बंगराकटानका २६ वर्षीय डम्बर ठगुन्ना र धनगढी उपमहानगरपालिका–१ शिवनगरका १९ वर्षीय सुरज थापालाई पनि पक्राउ गरेको छ । पक्राउ परेकाहरुका साथबाट दुई ग्राम ९० मिलिग्राम खैरो हेरोइन बरामद भएको जिल्ला प्रहरी कार्यालयका प्रवक्ता प्रहरी नायब उपरीक्षक कविन्द्रसिंह बोहराले जानकारी दिनुभयो । पक्राउ परेका पाँचै जनालाई हिरासतमा राखेर थप अनुसन्धान भइरहेको उहाँले बताउनुभयो ।