चलचित्र विकास बोर्ड द्धारा घुम्ती सिनेमा तथा साक्षरता अभियान सम्पन्न

चलचित्र विकास बोर्डले सुदूरपश्चिम प्रदेशमा घुम्ती सिनेमा तथा साक्षरता अभियान सम्पन्न गरेको छ । बोर्डले हलको सुविधा नभएका टोल तथा बस्तीमा घुम्ती सिनेमा सञ्चालन गरेको हो ।

सुदूरपश्चिम प्रदेशका विकट ठाउँमा सदरमुकामको अल्फाबेटा इन्सिच्युटमा नेपाली फिल्म ‘बुलाकी’, र  ‘गोरे बा’ प्रदर्शन गरिएको चलचित्र विकास बोर्डका सदस्य राजु केसीका बताए । उनले भने घुम्ती सिनेमा चलचित्रले सामाजिक र सांस्कृतिक महत्वबारे जानकारी गराएको बताए । 

हलको पहुँचबाट टाढा रहेका बजार, गाउँबस्तीमा पुगेर राष्ट्रिय भाषा र स्थानीय भाषामा निर्माण भएका चलचित्र देखाउने र त्यसतर्फ चलचित्र हेर्ने संस्कृतिको विकास गर्ने योजना रहेको सदस्य केशीको भनाई छ  । बोर्डले सुदूरपश्चिमको डडेल्धुरा सहित ४ जिल्लामा समेत घुम्ती सिनेमा तथा साक्षरता अभियान गर्ने उनले बताए । 

चलचित्र विकास बोर्डले कैलालीको कान्तिराज्यलक्ष्मी माध्यमिक विधालयमा घुम्ती सिनेमा तथा सिनेमा साक्षात्कार कार्यक्रम सम्पन्न गरे सँगै  सुदूरपश्चिम प्रदेशको कैलालीमा घुम्ती सिनेमा  कार्यक्रम सम्पन्न गरेको हो । चलचित्रको प्रर्दशन पछि प्रतिक्रिया दिदै दर्शकहरुले  चलचित्रले मनोरञ्जन मात्र प्रदान नगरी समाज रुपान्तरणमा अहम भुमिका खेलेको  बताए । उनहरुले सामाजिक चेतना, शिक्षा र सन्देश समेत प्रवाह गर्ने माध्यम समेत चलचित्र रहेको प्रतिक्रिया दिए ।