मंगलसेन ६ का किसानले बेचे ८ लाख ५० हजारको मकै

मंगलसेन नगरपालिका वडा न ६ मा रहेको शिवशक्ति कृषि सहकारी संस्थाले १७ हजार केजी मकै निर्यात गरेको छ । सहकारीले वडाका किसानले लगाएको रामपुर र अरुण जातको मकै चितवनमा निर्यात गरेको हो । चितवनमा रहेको बिमल एग्रोफम एण्ड रिसर्च सेन्टरले दुई जातको मुल बिउ खरिद गरेको शिवशक्ति कृषि सहकारी संस्थाका अध्यक्ष लोकराज भण्डारीले बताउनुभयो ।

वडा भरीका किसानले लगाएको मकै संकलन गरि सम्बन्धित ठाउमा पठाइएको अध्यक्ष भण्डारीको भनाई छ । प्रतिकेजी ५० रुपैयाका दरले मकै बिक्री गरेपछि वडाका किसानले ८ लाख ५० हजार पाउने भएका छन ।

सहकारीले गत बर्ष २४ हजार केजी मकै निर्यात गरेको जानकारी गराउदै अध्यक्ष भण्डारीले जंगली जनावरको आतंक, बसाइ सराइ लगायतका कारणले यस वर्ष गत बर्षको जती मकै उत्पादन नभएको बताउनुभयो । विभिन्न समस्याका बावजुद पनि वडामा राम्रो मकै उत्पादन भएको आफ्नै घर आगनमा आएर आफुले उत्पादन गरेको मकै सहकारीले खरिद गरेर लगेपछी वडा न ६ का किसानहरु खुसी भएका छन । घर आगन बाटै मकै उठाएपछी आफुहरुको मेहनत खेर नगएको किसानको भनाई छ ।

यता मंगलसेन नगरपालिका प्रमुख पदम बहादुर बोहराले वडाका किसानलाई धन्यवाद दिनुभएको छ । वडा न ६ मा रहेको शिवशक्ति कृषि सहकारी संस्थाले वर्षेनी वडाका किसानले उत्पादन गरेको मकै सहजै निर्यात गर्ने वातावरण मिलाई किसानलाई राहात दिएको भन्दै खुसी व्यक्त गर्नुभयो ।

दुध दही र मकैको लागि यो वडा पख्र्यात भएकाले राम्रो गर्ने किसान र सहकारीलाई नगरपालिका पनि सहयोग गर्ने प्रतिबद्धता जनाउनुभयो । मकैको अनुगमन गर्दै नगर प्रमुख बोहराले आगामी दिनमा मकै उत्पदानमा थप जोड दिन सुझाव दिनुभएको छ । अनुगमनमा वडा अध्यक्ष देवेन्द्र प्रसाद भण्डारी, समाजसेवी टंक प्रसाद भण्डारी, हेमराज भण्डारी, वेदराज भण्डारी लगायतको सहभागिता थियो ।