धनगढीमा अपाङ्गता भएका महिलाहरूको फेसन सो हुदै

धनगढी । कैलालीको धनगढीमा यहि  चैत्र ८ शुक्रबार गते अपाङ्गता भएका महिलाहरूको फेसन सो हुने भएको छ ।  

राष्ट्रिय अपांग महासघ सुदुरपश्चिमको सहकार्य तथा साईनिङ होम पोखराको आयोजनामा फेसन सो हुन लागेको हो । बुधबार धनगढीमा पत्रकार सम्मेलनको आयोजना गर्दै  आयोजकले कार्यक्रमबारे जानकारी गराईएको छ ।

सुदुर पश्चिम प्रदेशका कैलाली कंचनपुरमा बसोबास गर्ने   अपाङ्गता भएका १५ जना महिलाहरुको सहभागिता रहने साईनिङ होमका संचालक आसिका चन्दले बताईन   । 

अपाङ्गता भएका महिलाहरुको क्षमता अभिबृद्दी गर्ने उद्देश्यका साथ कार्यक्रमको आयोजना गरिएको चन्दले बताईन । 

क्षमता भएर पनि बाहिर प्रष्टफुटन हुन नसकेका प्रतिभाहरुलाईबाहिर ल्याउनका लागि कार्यक्रमको आयोजना गरिएको आयोजकले जनाएको छ ।

धनगढीको उद्दोग बाणिज्य सघको हलमा हुने कार्यक्रमको उद्घाटन सुदुरपश्चिम प्रदेशका सामाजिक बिकास मन्त्री मेघराज खडकाले गर्ने पत्रकार सम्मेलनमा जानकारी गराईएको छ ।