कैलाली कारागार घटना :  घाईते थप एक जनालाई काठमाण्डौ रिफर

धनगढी । कैलाली कारागारमा रहेका कैदीबन्दी बीच भएको झडप घटनामा घाईते भएका थप एक जनालाई काठमाण्डौ रिफर गरिएको छ । घाईते कर्ण सारुमगरलाई थप उपचारका लागी काठमाण्डौ रिफर गरिएको जिल्ला प्रहरी कार्यालय कैलालीका प्रमुख एसपी बालनर सिह राणाले बताए । 

उनले भने “शनिबार एक जनालाई रिफर गरिएको र आज थप एक अर्का कैदीबन्दीको अवस्था जटिल बन्दै गएपछि चिकित्सकहरुले रिफर गरेको उनले बताए ।” उनलाई नियमित उडान मार्फत काठमाण्डौ लिन लागीयको प्रमुख राणाले जानकारी दिए । 

शुक्रबार राति कैदीबन्दीबीच झडप हुँदा कैदीबन्दी भरत चौधरीको मृत्यु भएको थियो भने ४७ जना घाइते भएका थिए । घाईहरु मध्ये गम्भीर घाईते भएका दुई जनालाई थप उपचारका लागी काठमाण्डौ रिफर गरिएको छ भने बाकी घाईतेहरुको सेती प्रादेशिक अस्पतालमा उपचार भईरहेको छ ।