धनगढीमा विशेष क्षेत्र घोषणा, सभा–जुलुस तथा प्रदर्शन निषेध

धनगढी ।कैलाली जिल्ला प्रशासन कार्यालयले धनगढीका विभिन्न स्थानलाई विशेष क्षेत्र घोषणा गर्दै सभा, जुलुस, प्रदर्शन, नाराबाजी, कोणसभा, घेराउ तथा अन्य कुनै पनि प्रकारका भीडभाडजन्य गतिविधि नगर्न आदेश जारी गरेको छ ।

स्थानीय प्रशासन ऐन, २०२८ को दफा ६ (३) बमोजिम प्रमुख जिल्ला अधिकारी कृष्णप्रसाद लम्सालले आइतबार साँझ ७ बजेदेखि अर्को सूचना जारी नभएसम्मका लागि उक्त आदेश जारी गर्नुभएको हो।

जारी आदेशअनुसार निषेधित क्षेत्रहरू यस प्रकार रहेका छन् :

प्रदेश प्रमुखको कार्यालय र निवास क्षेत्र

मुख्यमन्त्री तथा मन्त्रिपरिषद्को कार्यालय, जिल्ला प्रशासन कार्यालय तथा वरपरको क्षेत्र

सबै प्रदेश मन्त्रालय र निवास क्षेत्र

पूर्व प्रधानमन्त्री निवास क्षेत्र

विभिन्न सरकारी कार्यालयहरू

विभिन्न राजनीतिक दलका पार्टी कार्यालय क्षेत्र

पुष्पलाल चौक क्षेत्र, डिमोटी होटल आसपासको क्षेत्र

जिल्ला प्रशासन कार्यालयले शान्ति सुरक्षा कायम गर्न र सम्भावित अप्रिय घटनालाई रोक्न यस्तो निर्णय गरिएको जनाएको छ।