कैलालीमा बसको ठक्करबाट वृद्धाको मृत्यु

धनगढी: कैलालीमा बसको ठक्करबाट एक महिलाको मृत्यु भएको छ। मृत्यु हुनेमा जानकी गाउँपालिका–२ बस्ने ८२ वर्षीया तारादेवी पाठक रहेको प्रदेश प्रहरी कार्यालय धनगढीले जनाएको छ।

गौरीगंगा नगरपालिका- २ झिलस्थित पूर्वपश्चिम राजमार्गमा पूर्वबाट पश्चिमतर्फ जाँदै गरेको सुपप्र ०२-००१ ख १३७३ नम्बरको महाकाली यातायातको बसले पैदलयात्री पाठकलाई ठक्कर दिएको थियो। बसको ठक्करबाट गम्भीर घाइते भएकी उनको नवजीवन अस्पतालमा उपचारका क्रममा मृत्यु भएको प्रहरीले जनाएको छ।