फोटो पत्रकार महासङ्घ कैलालीको अध्यक्षमा रमित पाण्डे

धनगढी : नेपाल फोटो पत्रकार महासङ्घ कैलाली शाखाको अध्यक्षमा रमित पाण्डे चयन भएका छन। जिल्लाको पाँचौँ अधिवेशनबाट नयाँ कार्यसमिति चयन गरिएको हो। अधिवेशनले रमित पाण्डेको अध्यक्षतामा नयाँ कार्यसमिति चयन गरेको छ।

नवनिर्वाचित कार्यसमितिमा उपाध्यक्षमा राजन जैगडी, सचिवमा लवदेव धामी, सह–सचिवमा रक्षा बागचन चयन भएका छन्। त्यस्तै, कोषाध्यक्षमा भरत रिमाल र सह–कोषाध्यक्षमा यमुना साउँद निर्वाचित भएका छन्।

सदस्यहरूमा ज्ञानु चौधरी, रोहित नागरी, सावित्री जोशी, प्रमेश चौधरी र जगत साउँद चयन भएका छन्।

पाँचौँ अधिवेशनबाट चयन भएको नयाँ कार्यसमितिले फोटो पत्रकारिताको विकास, व्यवसायिक सुदृढीकरण तथा पत्रकारहरूको हकहित संरक्षणमा सक्रिय भएर काम गर्ने फोटोपत्रकार महासङ्घ कैलालीका नवनिर्वाचित अध्यक्ष पाण्डेले बताए।