धनगढी । कैलालीमा लागूऔषधसहित कञ्चनपुरका दुई युवक पक्राउ परेका छन् ।
जिल्लाको गोदावरी नगरपालिका-३ चुटकिबजार स्थित भित्री सडक खण्डबाट कञ्चनपुरको कृष्णपुर नगरपालिकाका बिशाल राना र भरत राना लागूऔषधसहित पक्राउ परेका हुन् ।
इलाका प्रहरी कार्यालय मालाखेती, कैलालीबाट खटिएको प्रहरी टोलीले हिजो (बुधवार) गोदावरी-३ चुटकिबजार स्थित भित्री सडक खण्डबाट पैदल हिँडिरहेको अवस्थामा शंका लागि चेकजाँच गर्दा कृष्णपुर-७ बस्ने २४ वर्षीय बिशाल राना र सोही नगरपालिका-८ बस्ने २२ वर्षीय भरत रानालाई ४७० मिलिग्राम लागूऔषध खैरो हेरोइन जस्तो देखिने धुलो पदार्थ फेला पारि पक्राउ गरेको जिल्ला प्रहरी कार्यालय कैलालीले जनाएको छ ।
यस विषयमा थप अनुसन्धान भइरहेको बताइएको छ ।
प्रतिकृया दिनुहोस