बैतडीमा भयावह बन्दै लम्पी स्किन रोग,९ हजार २९८ पशुचौपायाको मृत्यु

बैतडीमा घरपालुवा पशुमा देखिएको लम्पी स्किन रोगले भयावह रूप लिएको छ । घरपालुवा पशुमा देखिएको यो रोग नियन्त्रणबाहिर गएको भेटेरेनरी अस्पताल तथा पशु सेवा विज्ञ केन्द्र पाटनले जनाएको छ ।

यो रोग नियन्त्रणबाहिर पुग्दा पनि जिल्लामा हालसम्म खोपको उपलब्धता हुन नसकेको केन्द्रका पशु विकास अधिकृत तथा लम्पी स्किन सम्पर्क व्यक्ति डा. विशाल पाठकले जानकारी दिए ।

उनका अनुसार यो रोगबाट हालसम्म ६४ हजार एक सय ९७ घरपालुवा पशु सङ्क्रमित छन् भने रोगका कारण नौ हजार दुई सय ९८ पशुचौपाया मरिसकेका छन् । लम्पी स्किनका कारण बाच्छाबाच्छी, गाईगोरु र भैँसी बढी प्रभावित भएका छन् ।